The Associated Press агентлигининг хабар беришича, 34 ёшли аргентиналик футболчи Франциянинг "ПСЖ" клуби билан икки йиллик шартномага қўл қўйган.

Сўнгги маълумотларга кўра, футболчи бугун Францияга учиб кетади. Шунингдек, у "Барселона" билан карерали алоқаси тугаганини расман эълон қилган.

Мессининг "ПСЖ" клубидаги йиллик маоши тахминан 35 миллион еврони ташкил этади.

Мессининг отаси ҳам "Barcelona-El Prat" аэропортида журналистлар билан қисқа суҳбатда ўғлининг "ПСЖ"га ўтганини тасдиқлаган.

Эслатиб ўтамиз, Месси Бразилия терма жамоаси ҳужумчиси Неймар ва франциялик жаҳон чемпиони Килиан Мбаппе билан ҳужум чизиғида тўп суради.

"ПСЖ" бош мураббийи Маурисио Почеттино аргентиналик футболчи билан мулоқотда бўлиб турганини айтган. "Барселона" ўтган пайшанба куни Месси жамоадан кетиши ҳақида хабар берган эди. Ўшандан бери мураббий футболчини клуб сафига кўшиб олишни мақсад қилган.

"ПСЖ" Месси билан қатор совринларни, жумладан, Европа Чемпионлар лигасини ютишга умид қилмоқда.