“Корея Республикаси - Марказий Осиё” Ҳамкорлик форуми Котибияти ижрочи директори Ли Чон Гук Тошкент шаҳрида бўлиб ўтаётган “Ўзбекистон-Корея: келажакка назар” экспертлар форумида сўзга чиқиб, сўнгги 30 йил мобайнида давлатларимиз турли соҳаларда, жумладан, сиёсий, дипломатик, иқтисодий ва маданий-гуманитар йўналишларда ҳамкорлик бўйича салмоқли ютуқларга эришганини қайд этди.

Экспертнинг сўзларига кўра, Ўзбекистон Корея Республикасининг Марказий Осиёдаги энг муҳим шериги ҳисобланади. Мамлакатимиз Сеул билан алоҳида стратегик шериклик ўрнатган тўрт давлатдан бири экани ҳам юқоридаги хулосани далиллайди.

ЎзА