Президенттің төрағалығында әлеуметтік қорғау саласындағы жұмыстың нәтижелері мен 2025 жылға қойылған басты міндеттер талқыланған жиын басталды.

Мемлекет басшысы жиынның басында Өзбекстанға жаңа әлеуметтік қорғау жүйесін құруда қолдау көрсетіп келе жатқан БҰҰ-ның елдегі тұрақты үйлестірушісі Сабинэ Махл, ЮНИСЕФ өкілдігінің басшысы Рехина Мария Кастижио және Дүниежүзілік банктің Орталық Азия бойынша өңірлік директоры Татьяна Проскуряковаға бүгінгі жиынға қатысқандары үшін арнайы алғысын білдірді.

Биыл 102 әлеуметтік қызмет жергілікті деңгейде іске қосылды. Мысалы, бұрын адамдар протез алу үшін әртүрлі комиссияларға барып, емхана арасында екі ай бойы сабылды, қазір бұл мәселе екі апта ішінде жергілікті махалланың өзінде шешімін тауып отыр. Бұл 100 мыңға жуық адамға оң әсерін тигізді.

Адамдар протезді 95 өндіруші арасынан электронды жүйе арқылы өздері таңдай алады, бұл бәсекелестікті арттырып, сапаны жақсартты.

Мүгедек балаларға арналған күтім қызметі жолға қойылып, өтініштер махаллада қабылдануда. Бұл 700 ата-ананың жұмыс істеуіне мүмкіндік берді. Қозғалуға мүмкіндігі жоқ 4 мың жалғыз басты қарт анықталып, оларға үйде күтім жасау ұйымдастырылды.

ӨзА