Англияның «Манчестер Юнайтед» клубы әлемдегі ең қымбат футбол клубтарының тізімінде бірінші орынды иеленді.

Sportico хабарлауынша, «Манчестер Юнайтед» клубының құны 6,2 миллиард долларға бағаланған.

Одан кейінгі орында испандық «Реал Мадрид» (6 миллиард доллар) мен «Барселона» (5,2 миллиард доллар) клубтары тұр. Үздік бестікке сонымен қатар ағылшындық «Ливерпуль» (5,1 миллиард доллар) мен Германияның «Бавария» клубы (4,8 миллиард доллар) кірген.

Sportico рейтингі клубтардың қаржылық есептерін терең талдауға, сондай-ақ футбол бизнесі саласындағы сарапшылардың ақпаратына негізделген.