Sotheby's аукционында рекордтық бағамен сатылған Pink Star алмазы әлемдегі ең қымбат гауһар болды.

Гонконгта өткен аукционда қызғылт гауһар 553 037 500 гонконг долларына (шамамен 71,2 миллион АҚШ доллары) бағаланды. 

Pink Star өткен мамырда Christie's аукционында 57,6 миллион долларға сатылған Blue Oppenheimer көк гауһар тастарының рекордын жаңартып, ең қымбат гауһар және ең қымбат зергерлік бұйым атанды.

Оның салмағы 59,6 карат және әлемдегі ең үлкен мінсіз, табиғи түсті, сопақ пішінді жауһар болып саналады.

Гонконг аукционының тағы бір қызық дерегі, Pink Star бұрын аукционға қойылған және 2010 жылдың қарашасында рекордтық 83,19 миллион долларға сатылған. Бірақ кейінірек оны сатып алған америкалық зергер Айзек Вулфтың бұл лотқа ақшасы жетпегені белгілі болды. Осыдан кейін Sotheby's асыл тасты қайтарып алды. 

«Қызғылт жұлдыз» гауһарын Африкада 1999 жылы De Beers компаниясы тапқан және оның 132,5 караттық гауһар тастан кесіп алған.