2023 жылдың сәуір айында әлем бойынша жолаушы тасымалының көлемі 2022 жылдың сәйкес айымен салыстырғанда 45,8 пайызға өскен.

Халықаралық әуе көлігі қауымдастығы (IATA) дерегінше, бұл пандемиядан алдынғы деңгейдің 90,5 пайызын құраған.

Сәуірде халықаралық рейстерде жолаушылар тасымалы 48 пайызға, ішкі рейстерде 42,6 пайызға өсімі байқалған.

Бұл ретте Азия-Тынық мұхиты аймағы әуе қатынасын қалпына келтіру бойынша рейтингте көш бастады.

Азия-Тынық мұхиты аймағындағы әуе тасымалының көлемі сәуір айында өткен жылдың сәйкес кезеңімен салыстырғанда 192,7 пайызға өссе, Еуропа мен Таяу Шығыста сәйкесінше 22,6 және 38 пайызға жоғарылаған. Солтүстік Америкада әуе қозғалысының өсімі 34,8 пайызды, Латын Америкасында 25,8 пайызды және Африкада 53,5 пайызды құраған.