Ўзбекистон Республикаси Маданият вазирлиги «Лазги» халқаро рақс фестивали республика танловини эълон қилган эди.

Вазирлик ахборот хизматига кўра, Ўзбекистон давлат хореография академиясида ушбу халқаро рақс фестивали кўрик-танловининг республика босқичи бўлиб ўтди.

Кўрик-танлов якунларига кўра ғолиблари қуйидагича саралаб олинди:

Яккахон ижрочилар йўналишида:

1-ўрин Оксана Давлетова (Хоразм вилояти);

2-ўрин Фотима Нарзуллаева (Тошкент шаҳри);

3-ўрин Ислом Ҳайдаров (Тошкент шаҳри).

Жамоавий ижрочилар йўналишида:

1-ўрин Ўзбекистон давлат филармонияси «Лазги» ашула ва рақс ансамбли;

2-ўрин Ўзбекистон давлат филармонияси Хоразм вилояти рақс ансамбли;

3-ўрин «Бухоро мавжлари» ансамбли.

Ҳакамлар ҳайъати қарорига асосан, ғолиб деб топилган иштирокчилар, Маданият вазирлиги томонидан жорий йилнинг 25-30 апрель кунлари Хоразм вилоятининг Хива шаҳрида «Лазги» халқаро рақс фестивали доирасида ўтказиладиган халқаро танловда иштирок этиш йўлланмасига эга бўлди.

Н.Усмонова, ЎзА