Тошкент шаҳридаги Олимпия шаҳарчаси теннис кортларида бўлиб ўтаётган “ITF W15 Tashkent” халқаро турнирининг жуфтлик баҳсларида ярим финал иштирокчилари аниқланди.

Мусобақанинг чорак финалида ҳамюртларимиз Нигина Алимова ҳамда Мафтунабону Қаҳрамонова тандеми қозоғистонлик Анастасия Кримкова билан дуэт ҳосил қилган ёш теннисчимиз Дарья Шубина билан ўзаро рақобатлашди. Ушбу учрашувда Нигина ва Мафтунабону жуфтлиги 4:6, 6:2, 10:5 ҳисобида зафар қучди.

Шу тариқа, Нигина Алимова ҳамда Мафтунабону Қаҳрамонова ярим финал йўлланмасини қўлга киритган ҳолда, финал босқичига чиқиш учун нейтрал теннисчилар Дарья Хомутянская ва Ксения Ерш билан рақобатлашадиган бўлди.

Эслатиб ўтамиз, мусобақанинг яккалик баҳсларида чорак финал босқичидан ўрин олган учрашувлар давом этмоқда.

Жавоҳир Тошхўжаев, ЎзА