Өзбекстанның Әл-Кувейттегі елшілігінде кувейттік журналист және блогер Абдулкерім әл-Хиндалмен кездесу өтті.

Мәдениет министрлігінің хабарлауынша, кездесу барысында Төтенше және Өкілетті елші Аюбхон Юнусов Абдулкарим әл-Хиндалдың Өзбекстанның мәдениеті мен өнерін, ұлттық салт-дәстүрлерін және туризм әлеуетін кеңінен насихаттап, медиа кеңістікте Өзбекстанды танытуға қосқан зор үлесін атап өтті. Осы еңбектері үшін оған арнайы «Өзбек мәдениеті елшісі» төсбелгісі мен сертификаты табыс етілді. 

– Маған көрсетілген сенім үлкен жауапкершілік, – деді Абдулкерім әл-Хиндал. – Өзбекстанға жасаған сапарларым кезінде халықтың айрықша қонақжайлылығына бірнеше мәрте куә болдым. Алдағы уақытта елшілікпен бірлесе отырып, Өзбекстанның мәдениеті мен өнерін әлемге таныту бағытындағы жұмыстарды одан әрі жандандырамыз.