Мактабгача ва мактаб таълими вазирлигининг А.Авлоний номидаги миллий-тадқиқот институтида тажриба-синов тариқасида умумий ўрта таълим муассасалари директори лавозимига номзодларни тайёрлаш учун менежерлик ўқув курслари ташкил этилган эди.

Курс сўнгида тингловчиларнинг билим ва кўникмасини баҳолаш мақсадида Муҳаммад ал-Хоразмий номидаги ихтисослаштирилган мактабда якуний синовлар ўтказилиб, кўникмалари баҳоланди.

Тингловчиларнинг мактабни ривожлантириш дастури, болани ҳимоя қилиш дастури ва таълим муассасасида маркетингни ривожлантириш режаси бўйича тақдимоти ҳимояси ўтказилди.

Шунингдек, тантанали маросим ташкил этилиб, курс битирувчиларига сертификатлар топширилди.

М.Қосимова, ЎзА