Айни кунларда Польшада спорт курашлари бўйича халқаро мусобақа бўлиб ўтмоқда.

 Мусобақанинг биринчи кунида терма жамоамиз вакиллари 2 та медални қўлга киритди.

Бу хақда Миллий олимпия қўмитаси матбуот хизмати хабар бермоқда.

-79 кг вазн тоифасида курашган Рашид Қурбонов чорак ва ярим финалларда Польша ҳамда Литва вакилларига ҳеч қандай имконият қолдирмай рақибларини 10:0 ҳисобида мағлуб этди.

Словакиялик Ахсарбек Гулаевга қарши кечган финал беллашувида 2:2 ҳисоби қайд этилди. Унда сўнгги баллни словакиялик курашчи қўлга киритгани учун ғалаба Гулаев томонда бўлди ва Қурбонов турнирни кумуш медаль билан якунлади.

Шунингдек, Маҳмуд Шавкатов -57 кг вазн тоифасида бронза медали билан тақдирланди. 9 июнь куни бўлиб ўтадиган беллашувларда ҳам бир қатор вазн тоифаларида эркин курашчиларимиз баҳс олиб боради.