Бугун мамлакатимиздаги боларлар-ўсмирлар мактаблари, спорт турлари бўйича ихтисослаштирилган мактаб-интернатлари, Олимпия захиралари коллежларида таҳсил олаётган 2007-2008 йилларда туғилган ёш самбочилар жорий йилнинг 27-28 ноябрь кунлари Наманганда ўтадиган Ўзбекистон чемпионати баҳсларида қатнашиш учун жам бўлишмоқда.

Ўзбекистон самбо ассоциацияси матбуот хизмати хабарига кўра, куннинг биринчи ярмида чемпионат иштирокчилари Наманганга етиб келишади ҳамда жамоа раҳбарлари ва мураббийлар мандат комиссияси йиғилишида қатнашишади.

Эрта эрталабдан чемпионат дастурига биноан бир қатор вазнларда саралаш, ярим финал ва финал баҳслари ташкил этилади.

Самбо федерацияси вакилларининг айтишича, иқтидорли спортчиларни аниқлаш мақсадида Наманганда кечадиган беллашувларни терма жамоа мураббийлар штаби бевосита кузатиб боради ҳамда баҳсларда шижоат кўрсатган ёшлар мамлакат терма жамоа таркибига жалб этилади.

Тўлқин Рўзиев, ЎзА