Кучли шамол туфайли электр энергияси таъминотида узилишлар кузатилмоқда
Самарқанд вилоятида кучли шамол натижасида соат 11:30 ҳолатига айрим электр узатиш тармоқлари хавфсизликни таъминлаш мақсадида ўчирилди.
Бунинг натижасида Жомбой, Пастдарғом ва Булунғур туманларининг айрим ҳудудларида электр таъминотида узилиш кузатилмоқда.
Ҳудудда кучли шамол эсиши пасайгандан сўнг электр таъминоти қайта тикланади, дейилади Энергетика вазирлиги матбуот хизмати хабарида.
Н. Зиёдуллаева, ЎзА