Термиз шаҳридаги Яккакураш спорт турларига ихтисослаштирилган спорт мактабида “Беш ташаббус паралимпиадаси” спорт мусобақасининг Сурхондарё вилояти босқичи бўлиб ўтди.

Баҳсларда маҳаллий саралаш босқичларида муваффақият қозонган 384 нафар иштирокчи спортнинг 13 тури бўйича ўз иқтидор ва маҳоратини намойиш қилди.

Дўстона ва юқори кайфиятда ўтган мусобақаларда ҳар бир иштирокчи ғалаба учун астойдил ҳаракат қилди. Улар Паралимпиада спортчилар учун нафақат имконият, балки жамиятда инклюзивликни тарғиб қилувчи, тенг ҳуқуқли муҳит яратишга хизмат қилувчи ижобий ташаббус эканлигини амалда исботлади.  

[gallery-23441]

Иштирокчиларнинг ғалабага бўлган ишончи, ирода ва куч-ғайрати, қатъияти томошабинлар ва ҳакамлар томонидан юқори баҳоланди. Якунда барча спорт турлари бўйича ғолиб ва совриндорлар диплом ва эсдалик совғалари билан тақдирланди.

<iframe width="640" height="420" src="https://www.youtube.com/embed/1Pg608k-X-I" title="Kuch-g‘ayrat va qat’iyat namoyishi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат, видео), ЎзА