Коммунистик бошқарув тизимига эга Куба давлатининг миллий электр тармоғи бир йилдан камроқ вақт ичида тўртинчи марта ишдан чиқди. Бу ҳақда кеча SEN давлат энергетика компанияси хабар берди.

– SEN электр тармоғида тўлиқ узилиш содир бўлди, ҳолат "CTE Guiteras" иссиқлик электр станцияси кутилмаганда тўхтаб қолиши билан боғлиқлиги эҳтимоли бор, – дейилган Электр-энергетика ходимлари миллий уюшмасининг тегишли баёнотида.

Тармоқ масъул вакили айтишича, ҳодиса сабаби ўрганиляпти, вазиятни ўнглаш жараёни аллақачон бошланган.