Кеча кечқурун электр тармоғида юзага келган жиддий носозлик туфайли Кубанинг 10 миллиондан ортиқ аҳолиси қоронғулик “пардаси”га бурканди, деб ёзди CNN.

– Соат 20:15 атрофида Диезмеро кичик станциясида юз берган фавқулодда ҳолат мамлакат ғарбида ишлаб чиқариш сезиларли даражада йўқотилиши, шу билан бирга Миллий электр тизими ишдан чиқишига олиб келди, – дейилган Энергетика ва конлар вазирлиги баёнотида.

Воқеа Кариб денгизи оролида инфратузилма бузилиши, табиий офат ва иқтисодий тартибсизлик авж олган бир пайтда содир бўлди. Ҳозир хизматни тиклаш бўйича амалий иш олиб борилмоқда.

Расмийлар аввалроқ АҚШнинг аввалги маъмурияти даврида кучайган иқтисодий санкция аллақачон инқирозга учраган энергетика секторини янада заифлаштираётганини айтганди.

Мусулмон Зиё, ЎзА