Кубаның электр энергиясын өндіру жүйесі «Ян» дауылынан кейін мүлдем жұмыс істемей қалды.

«Ұлттық энергетикалық жүйедегі генерация нөлге тең, жағдай климаттық ахуалға байланысты», - екені айтылған Union Electrica копаниясының дерегінде. 

Компания мәліметінше сейсенбіге қараған түні Куба арқылы өткен қауіптіліктің 3-санатына жататын тропикалық «Ян» дауылы елдің электр энергия өндіру жүйесінің істен шығуына себеп болған. 

Бұл аралдың батыс бөлігінде 2008 жылдан бері соққан ең күшті циклон. Өлшеу бекеттерінің бірінде желдің жылдамдығы сағатына 200 шақырымнан асқаны тіркелген болса, ел астанасында желдің екпіні сағатына 123 шақырымды көрсеткен.