Айни дамда Саудия Арабистонининг «Ал-Наср» клубида фаолият олиб бораётган португалиялик футболчи Криштиану Роналду яна бир рекордни қайд этди.

Аниқроғи, Роналду XXI асрда Европанинг энг кучли бешта чемпионатида ўтказилган ўйинларда энг кўп - 75 минг 927 дақиқа ҳаракат қилган футболчи сифатида тарихий натижага эришди. Иккинчи поғонадан эса испаниялик Серхио Рамос жой олган бўлиб, у Европанинг топ-5 лигаларида жами 70 минг 461 дақиқа вақт сарфлаган. Учинчи ўрин эса «Барселона» ва «ПСЖ» сафида ўйнаган аргентиналик Лионель Мессигa насиб этган — 70 минг 022 дақиқа.

Европанинг энг кучли бешта чемпионати доирасида XXI асрда энг кўп дақиқа ўйнаган футболчиларнинг топ-5 рейтинги қуйидагича:

1. Криштиану Роналду — 75 минг 927 дақиқа;
2. Серхио Рамос — 70 минг 461 дақиқа;
3. Лионель Месси — 70 минг 022 дақиқа;
4. Раул Альбиоль — 63 минг 541 дақиқа;
5. Дани Алвес — 63 минг 066 дақиқа.

Жавоҳир Тошхўжаев, ЎзА