Крикет жамоалари чемпионлик учун курашмоқда
Шу кунларда Тошкент вилояти, Қибрай туманидаги “Анфа“ халқаро крикет стадионида Т20 форматдаги Ўзбекистон очиқ чемпионати ўтказилмоқда.
Мавсумнинг илк мусобақаси бўлган очиқ чемпионатда пойтахтимизда фаолият кўрсатаётган “Анфа”, “Indian Cricet Tashkent Club“, ”Tashkent super kings“, ”Tashkent stars“, Қашқадарё вилоятининг ”Barlos“ ҳамда Фарғонанинг ”Fergana Rangers“ жамоалари ғолиблик учун кураш олиб бормоқда.
Чемпионатнинг тантанали очилиш маросимида иштирок этган Ўзбекистон крикет федерацияси раиси Азиз Михлиев жамоаларни биринчи мавсум бошланиши билан қутлаб, уларга юқори ўринларни эгаллашларида омад тилади.
Мамлакатимизда крикет спорт турини ривожлантиришга қаратилган чемпионатнинг ғолиб ва совриндорлари 25 июнда аниқланади.
Т. Рўзиев, ЎзА