Халықаралық Күрес қауымдастығы (IKA) бастамасымен 2026 жылғы 31 қаңтар – 5 ақпан аралығында күрес спортынан ересектер арасындағы әлем чемпионаты өтеді.

Иран Ислам Республикасының Солтүстік Хорасан провинциясының орталығы – Божнурд қаласы атаулы XV әлем чемпионатын қабылдайды.

Бұл беделді жарыс әлемнің ең мықты балуандарын бір арнаға тоғыстырып қана қоймай, күрестің халықаралық беделін одан әрі нығайтуға, спорттық дипломатия мен мәдени диалогты дамытуға қызмет етеді. Чемпионат аясында IKA Басқару комитетінің отырысы, IKA кезекті Конгресі, халықаралық төрешілер мен жаттықтырушыларға арналған семинарлар, сондай-ақ антидопинг бойынша оқу-жаттығу сабақтары ұйымдастырылады.