Халқимизда “Бирни кўриб фикр қил, бирни кўриб шукр қил”, деган мақол бежиз айтилмаган. Атрофимизда шундай матонат соҳиблари борки, уларнинг ҳаёт йўли биз учун ибрат.

Бугунги кунда дунёда 2 миллиарддан ортиқ инсон кўриш нуқсони билан яшайди. Шуларнинг 50 миллиони кўриш имкониятидан бутунлай маҳрум.

Хусусан, мамлакатимизда 70 мингдан ортиқ кўзи ожиз ирода соҳиблари истиқомат қилади. Уларнинг таълим-тарбия олишлари учун зарур шароитлар яратиб келинмоқда.

Кўзи ожиз инсонлар Брайль алифбоси асосида савод чиқаришади. Ушбу алифбо франциялик Луи Брайль томонидан 1825 йилда ишлаб чиқилган. Бу йил ушбу оламшумул тарихий воқеага роппа-роса 200 йил бўлди.

Мана шу йиллар давомида қанчалаб кўзи ожиз инсонлар Брайль алифбоси орқали хат-саводини чиқариб келмоқда. Аммо баъзида айрим ота-оналарда фарзандим саводини қандай чиқаради, деган савол туғилиши табиий. Ушбу саволга жавоб топиш мақсадида Тошкент шаҳридаги 77-сонли “Нурли маскан”да бўлдик.  

Кўриш имконияти чекланган ўқувчиларнинг Брайль алифбосини ўрганиш жараёнлари ва устозлар фикри билан қизиқдик.

Лавҳанинг тўлиқ шаклини ЎзАнинг YouTube канали орқали кўришингиз мумкин.

<iframe width="640" height="420" src="https://www.youtube.com/embed/6yWmmLDJH_c" title="Ko‘zi ojiz bolalar Brayl alifbosini qanday o‘rganadi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шербек Исломов, 

Дониёр Ёқубов (видео), Анвархўжа Аҳмедов (монтаж), ЎзА