Ички ишлар ва хавфсизлик вазири миллий телевидение орқали берган баёнотда шанба куни Кот-д`Ивуарда уюштирилган авторитар ўзгаришга қарши норозилик намойиши чоғида 237 киши ҳибсга олинган.

"Arab News" ёзишича, оломон юриш бошланишига яқин қўл бола кўздан ёш оқизувчи газ пуркаш воситасидан фойдаланишни режалаштирилгани маълум бўлган.

32 миллион аҳоли истиқомат қиладиган, француз забон, Ғарбий Африканинг энг йирик иқтисодиёти ҳисобланган мазкур давлатда икки ҳафтадан сўнг президентлик сайлови ўтказилади. Йил бошида тўрт йирик мухолифатчи, жумладан собиқ Президент Лоран Гбагбо ва "Credit Suisse" компанияси собиқ бош директори Тижан Тиам сайлов комиссияси томонидан сайланиш ҳуқуқидан маҳрум қилинган эди.

2010 йилдан бери ҳокимият тепасидаги Президент Алассан Уаттара тўртинчи муддатга сайланиш ниятини эълон қилган. 2016 йил конституцияга киритилган ўзгариш билан муддат чеклови олиб ташлангандан сўнг юзага келган мазкур ҳолат мамлакатда жиддий мунозара келтириб чиқарган.

Кот-д’Ивуарда сайловлар, анъанавий равишда, кескин, зўравон ҳаракатларга бой тарзда кечади. Амалдаги етакчи учинчи муддатга сайланиши олдидан ҳам бир неча кишининг ҳаётига зомин бўлган фожиали воқеалар рўй берган эди.

Дарвоқе, Африка қитъаси ғарбида конституциявий муддат чегараси ўзгартирилиб, етакчилари ҳокимиятда узоқ вақт қолаётган мамлакатлар сони ортиб боряпти. Уттара эса ўз қарорини давлатда хавфсизлик билан боғлиқ ҳамда иқтисодий ва молиявий муаммолар кучайгани самарали бошқарув учун тажриба талаб қилиниши билан оқлаган.

М.Пирматова, ЎзА