Косово ҳукумати мамлакатнинг собиқ спикери Вьоса Османини президент лавозимига тайинлади. У қасамёд қабул қилишга ҳам улгурди.

Таъкидлаш керак, 71 депутат Османи фойдасига овоз берган, фақат икки мухолифат партия вакили сайлашга қарши чиққан.

Османи 13 йил олдин Болқондаги ушбу давлат Сербиядан мустақиллигини эълон қилганидан кейинги даврдаги Косовонинг иккинчи аёл раҳбарига айланди.

Вьоса Османи 2020 йил ноябрдан буён президент вазифасини бажарувчи сифатида фаолият олиб бораётган эди.

Эндиликда қуролли кучлар бош қўмондони ҳам ҳисобланадиган Президентдан ташқи сиёсатда фаол бўлиш талаб этилади. Яъни, Османи Европа Иттифоқи воситачилигида Сербия билан давом этаётган музокарада иштирок этиши мумкин.

(Б.Худойбердиев)