Keyingi yillarda “Qizilqumsement” AJda olib borilgan ishlar tufayli yangi ish oʻrinlari yaratildi, mahsulot raqobatbardoshligi oshdi. Klinker ishlab chiqarish tarmogʻi qurilishining boshlanishi esa ana shu ishlarning mantiqiy davomidir.

– Qiymati 925 milliard soʻm boʻlgan ushbu loyihadan koʻzlangan maqsad ishlab chiqarishga zamonaviy energiya tejamkor texnika va texnologiyalarni joriy etishdir, – deydi korxona bosh muhandisi A. Salomov. – Shu bilan birga, korxonaning klinker ishlab chiqarish quvvatini oshirish, mahsulot tannarxini tushirib, raqobatbardoshligini taʼminlash. Loyiha 2019-2020 yillarda amalga oshiriladi.