Денсаулық сақтау министрлігі эпидемиологиялық жағдай күрделі бірқатар әлем елдермен халықаралық рейстерді тоқтататынын хабарлады.

«Соңғы күндері Австрия, Бельгия, Ұлыбритания, Германия, Дания, Израиль, Италия, Нидерланды, Чехия, Австралия, Мысыр және Оңтүстік Африка аймағындағы елдерде (Оңтүстік Африка, Ботсвана, Лесото, Намибия, Зимбабве) , Мозамбик, Мадагаскар, Эсватини және Танзания) коронавирустың жаңа «омикрон» штаммының таралуына және эпидемиологиялық жағдайдың нашарлауына байланысты АҚШ, Австрия, Германия, Словакия, Ресей және Қазақстан елдері қосымша карантиндік шектеулер енгізуде.

Өз кезегінде Өзбекстан Республикасы да коронавирустық инфекцияның жаңа «омикрон» штаммының таралуының алдын алу бойынша жұмыс жүргізуде. Осыған орай Республикада коронавирустық инфекцияға қарсы иммунитетті арттыру мақсатында 2021 жылдың 17 қарашасынан бастап толық вакцина алған азаматтарды бустер дозасымен ерікті түрде екпе жасау басталғанын хабарлап, эпидемиологиялық жағдай күрделі бірқатар әлем елдермен халықаралық рейстерді тоқтататынын мәлімдеген.

Республикалық арнайы комиссияның Жаңа жыл қарсаңында өткен отырысында Өзбекстандағы эпидемиологиялық жағдайдың тұрақтылығын сақтау және ел аумағында коронавирустық инфекцияның жаңа «омикрон» штаммының енуіне жол бермеу бойынша бірқатар мәселелер қаралды.

2021 жылғы 3 желтоқсаннан 2022 жылғы 10 қаңтарға дейін:

• Оңтүстік Африка Республикасы, Ботсвана, Намибия, Зимбабве, Мозамбик, Мадагаскар, Лесото, Эсватини, Танзания және Гонконгпен халықаралық рейстер (республика аумағына кіру, шығу және транзиттік рейстер) тоқтатылды.
• Осы елдердің азаматтары және осы елдерде тұрақты тұратын азаматтығы жоқ адамдар, сондай-ақ соңғы 14 күн ішінде жоғарыда аталған елдерде болған үшінші елдердің азаматтары Өзбекстан Республикасының аумағына кіргізілмейді.