РАСМИЙ ИЗОҲ

Дори-Дармон» АК Матбуот хизматининг таъкидлашича, VivaDiag™ PRO SARS-CoV-2Аg аҳолининг барча ёшдаги қатлами учун мўлжалланган!

Дорихоналарда сотувга чиқарилган COVID-19ни уй шароитида 15 дақиқада аниқлашга мўлжалланган экспресс-тест ҳақида “Dori-Darmon” акциядорлик компанияси ижтимоий тармоқдаги саҳифаларида маълумот жойлаган эди.

Хабардаги «Ушбу тест 16 ёшдан 69 ёшгача бўлган шахсларда бурунда тўпланган намуналарини тампон билан уйда текшириш учун мўлжалланган. 16 ёшдан кичик ва 69 ёшдан ошган одамлардан намуна олиш ва текшириш катталар раҳбарлигида ўтказилиши керак», деган жумла айрим ижтимоий тармоқларда нотўғри талқин қилинган.

Яъни «ушбу тест 16 ёшдан 69 ёшгача бўлган шахсларда бурунда тўпланган намуналарни тампон билан уйда текшириш учун мўлжалланган», дея асл хабардаги жумланинг маълум бир қисми мазмуни ўзгартирилган.

Шу ўринда юртдошларимизга COVID-19ни уй шароитида аниқлашга мўлжалланган VivaDiag™ PRO SARS-CoV-2Аg экспресс-тест аҳолининг барча ёшдаги қатлами учун мўлжалланганини, фақат болалар, кекса ёшдаги қариялар, ногирон ва имконияти чекланган ватандошларимиз, беморлар мустақил тест ўтказа олмаганликлари сабабли катталар (қаровчилар) кўмагида тест амалиётини бажаришлари лозимлиги эслатилади расмий муносабатда.

ЎзА