2003 йилда қўзғалган ноодатий пневмонияни енгиб ўтган кишилар танаси “COVID-19”ни келтириб чиқарувчи коронавирусни қабул қилмаслиги мумкин экан. Бир гуруҳ Америка ва Швейцария олимларининг шу ҳақдаги изланишлари натижаси “Nature” журналида эълон қилинди.

Мутахассисларнинг аниқлашича, ўткир респираторли синдромни чақирувчи SARS-CoV вирусини енгиб ўтиш организмда коронавирус билан ҳужайранинг юза қисмидаги рецепторлар бир-бирига сингиб кетишини таъминлайдиган “шип“ (S) оқсилига қарши курашувчи антитаначалар ишлаб чиқарилишини рағбатлантиради.

Олимлар хулосасига кўра, турфа хил шундай ёт таначалардан бири — S309 SARS-CoV-2га хос S оқсилини самарали зарарсизлантиради. Демак, ўткир респираторли синдромни бошидан кечирган кишилар янги турдаги коронавирусни ҳазм қилолмасликлари эҳтимоли мавжуд.

Тадқиқотчилар худди шундай ёт таначалар аралашмасидан “COVID-19”нинг оғир кўринишларини даволаш ҳамда вирус юқиши хавфи юқори бўлган инсонларни касалликдан профилактика қилишда фойдаланиш мумкинлигини ҳам қайд этишган.