Коронавирусга қарши эмланганлар сони 450 минг нафардан ошди
20 апрель куни мамлакатимиз ҳудудлари бўйлаб жами 27 828 нафар киши COVID-19 га қарши эмланди.
Соғлиқни сақлаш вазирлиги хабарига кўра, айни кунгача мамлакатимизда коронавирус инфекциясига қарши эмланган фуқаролар сони 458 555 нафарга етди.
20 апрель кунидаги эмлаш кўрсаткичлари бўйича юқори ўринларни:
Наманган вилояти (3864 нафар),
Фарғона вилояти (3532 нафар),
Самарқанд вилояти (3245 нафар) банд қилди.
Эътиборли жиҳати шуки, коронавирусга қарши эмланган жами аҳоли сони:
Фарғона вилоятида 66 381 нафар,
Наманган вилоятида 47 841 нафар,
Андижон вилоятида 46 639 нафар,
Самарқанд вилоятида 43 394 нафарни ташкил қилмоқда.
Эмлаш жараёнлари давом этади.