Бүгін 25 маусым күні Өзбекстанда коронавирустан сауығып шыққан жандар саны бойынша жаңа рекордты көрсеткіш тіркеліп, онда 192 кісі ауруханадан шыққан.

Денсаулық сақтау министрлігінің хабарлауынша республикада жалпы індеттен сауыққан жандар қатары 4877 жанды құрауда.

Сонымен қатар бүгін вирустану көрсеткіші бойынша да рекорд жаңарып, 276 азаматта індет белгілері анықталған. Ал жалпы вирус расталған жағдай 7177-ге жеткені айтылады. Өкінішке орай бүгінге дейін бұл аурудан 20 кісі көз жұмған.

Қазіргі кезде ауруханада 2280 науқас дәрігерлер бақылауында қалуда. Олар арасында 18 азаматтың жағдайы ауыр және 6 өте ауыр хәлде.