Коронавирус: Өзбекстанда ауруханаға түскен науқастар саны 1300-ден асты
Өзбекстанда коронавирустың ресми тіркелген саны саны 83 435-ке жетті. Денсаулық сақтау министрлігінің мәліметі бойынша, 2 сәуірде елдің 11 облысында 196 жағдай анықталған.
Аймақтар арасында ең көп науқастану көрсеткіші Ташкент қаласында екені белгілі болды 144 кісі. Ал өткен тәулікте 146 азамат індеттен сауығып жалпы сауыққандар саны 81449-ға жеткен.
Қазіргі уақытта республикада 1356 науқас ауруханада дәрігерлер бақылауында қалуда. Олардың 209-ның жағдайы ауыр, 94 науқастың хәлі өте ауыр екендігі айтылған.