Өзбекстанда коронавирус індетін жұқтырғандар саны 18 қаңтар күнгі жағдай бойынша 78 091 кісіге жетті.

Денсаулық сақтау министрлігінің хабарлауынша, республика бойынша өткен тәулікте 55 азаматтан індет анықталған. 48 науқас сауығып шығып, 1 ауру азамат қаза болғандығы хабарланды.

Бүгінге дейін ел аумағында індеттен сауыққандар жалпы көрсеткіші 76 585 құрауда. Ал өлім саны 620-ға жетті. 

Қазіргі уақытта республикада 886 науқас ауруханада дәрігерлер бақылауында қалуда. Олардың 158-нің жағдайы ауыр, ал 32 науқастың хәлі өте ауыр екендігі айтылған.