Shveysariya Davos shahrida kelgusi yilning 17-21 yanvarida bo‘lishi belgilangan xalqaro iqtisodiy forum koronavirusning omikron shtammi tarqalishi bilan bog‘liq vaziyat tufayli yozga qoldirildi, deyiladi “INTERFAX.RU” xabarida.

“Pandemiyaning hozirgi sharoitida bevosita  xalqaro anjuman o‘tkazish murakkab. Forum jarayonida tibbiy qoidaga qat’iy amal qilinsa-da, omikronning yuquvchan tabiatidagi mavhumlik tadbirni qoldirishni taqozo qiladi”, deyiladi forum ma’lumotida.

Ma’lumot uchun, joriy yil avvalida bu forum pandemiya tufayli onlayn-formatda o‘tkazilgandi.