Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida onlayn rejimda oʻtayotgan matbuot anjumanida sogʻliqni saqlash sohasi mutaxassislari taʼkidlashicha, koronavirus boshqa virusli kasalliklar singari mavsumiy kasallikdir. Havo haroratining isishi ushbu kasallikni bartaraf etishda qoʻl keladi.

Shuningdek, koronavirus oilasiga 40 dan ortiq kasallik infeksiyasi kiradi. Insonlarda hozircha uchtasi kuzatilgan. Ilk koronavirus infeksiyasi 1965-yili aniqlangan. U hayvonlardan odamga yuqadi. 

Mutaxassislar Covid-19 kasalligini yengish mumkinligini aytmoqda. Xususan, brifingda Xitoy ushbu kasallikni yengib chiqqani, tarqalish doirasi kamaygani, odamlar davolana olayotgani aytildi.