Өзбекстанда 30 маусым күнгі таңғы мәліметтер бойынша елде тағыда коронавирус жұқтырған 76 азамат анықталған.

Денсаулық сақтау министрлігінің бүгін таңғы сағат 10:00 уақыттағы хабарында республикадағы жалпы індет расталған жағдай 8298 кісіге жеткені айтылады.

Жаңадан вирус жұқтырғандардың 44 карантиндегілер арасында, 23 Ташкент облысынан және Ташкент қаласында 9 кісі тіркелген.

Бүгінге дейін аурудан сауыққандар саны 5496 кісіге жетіп, 24 азамат індетен көз жұмған.

Ел аумағында коронавирус жұқтырғандар саны күн өткен сайын күрт өсіп келеді. Соңғы екі тәулікте 4 жан қайтыс болды. Қазіргі уақытта республикалық ауруханаларда 2778 науқас індетпен күресуде, олар арасында 19 азаматтың жағдайы ауыр, 6 жанның халі өте ауыр екені айтылады министрлік хабарында.