Коронавирус қайси касаллик билан оғриган беморлар учун ўта хавфли?
Олимларнинг хулосалари Ухан шаҳрида 24 январдан то 10 февралгача коронавирус билан шифохоналарга ётқизилган 600 кишининг касаллик тарихига асосланган.
Қонда қанд миқдори юқори бўлган беморлар ҳаёти учун COVID-19 нинг оғир формаси бошқаларга нисбатан икки баробар хавфли ҳисобланар экан. Хитой олимларининг яқинда Diabetologia журналида эълон қилган мақоласида шу ҳақда айтилади.
Олимларнинг хулосалари Ухан шаҳрида 24 январдан то 10 февралгача коронавирус билан шифохоналарга ётқизилган 600 кишининг касаллик тарихига асосланган.
Олимларнинг аниқлашича, коронавирус инфекциясига чалинганлар орасида қонида глюкоза миқдори нисбатан юқори бўлган беморларда ўлим ҳолати бошқаларга қараганда 2, 3 баробар кўп қайд қилинган.
Мутахассисларнинг таъкидлашича, қонда қанд миқдорининг кўпайиб кетиши тромблар шаклланишига ва шамоллашга, шунингдек томирлар фаолиятининг ёмонлашишига олиб келар экан.