Toshkent Fotosuratlar uyida O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi va “O‘zbekiston - Koreya” do‘stlik jamiyati tomonidan O‘zbekiston Jurnalistlar uyushmasi a’zosi, faxriy jurnalist Kim Bruttning “Hammani eslab” nomli fotoko‘rgazmasining ochilish marosimi bo‘lib o‘tdi.

Tadbirda qayd etilganidek, ko‘rgazma O‘zbekistondagi koreyslarning “Koryo Sinmun” gazetasi (1997-2022) nashrlariga asoslangan. Shuningdek, davlat va oilaviy arxivlardan olingan fotosuratlar va hujjatlar ham kiritilgan.

Uning asosiy maqsadi hozirgi avlodga, ayniqsa yoshlarga otalarimiz, bobolarimiz qanday bo‘lganliklarini, ular qanday yashaganliklarini, ularning orzu va umidlari qanday bo‘lganliklarini eslatishdan iborat.  

[gallery-26259]

Albatta, ko‘plab eksponatlar O‘zbekistonning ko‘p millatli oilasiga muvaffaqiyatli integratsiyalashuviga bag‘ishlangan.

Ko‘rgazma, ma’lum ma’noda eksperimental xususiyatga ega. Eksponatlarda fotosuratlar, sarlavhalar va matnlar bilan gazeta parchalaridan keng foydalanilgan. Ularning ba’zilari hatto gazeta parchalari kabi formatlangan.

Fotosuratlarning katta qismi ko‘p yillik tarixga ega va ularning aksariyati ko‘rgazma standartlariga to‘liq javob bermaydi. Ularning tanlovi badiiy qiymatiga emas, balki axborot qiymatiga asoslangan.

Gulnoza Boboyeva, Oybek Pardayev (surat), O‘zA