Корея Республикасининг Мунгёнг шаҳрида дзюдо бўйича ўтказилган Осиё чемпионатида муваффақиятли иштирок этган Ўзбекистон ёшлар терма жамоаси юртимизга қайтиб келди.

Ислом Каримов номидаги Тошкент халқаро аэропортида ватанимиз спорт шарафини муносиб ҳимоя қилиб, умумжамоада 1-ўринни эгаллаган спортчиларимизни Ўзбекистон дзюдо федерацияси мутасаддилари, кенг жамоатчилик вакиллари, спорт журналистлари тантанали кутиб олди.

Эслатиб ўтамиз, ёшлар ўртасидаги мазкур қитъа чемпионатида Ўзбекистон ёшлар терма жамоаси 7 та олтин, 3 та кумуш, 3 та бронза, жами 13 та медаль билан 17 давлат орасида 1-ўринни эгаллади.

Т.Рўзиев, ЎзА