Bugun Oʻzbekiston tashqi ishlar vaziri oʻrinbosari Dilshod Axatov Koreya Respublikasining mamlakatimizdagi Favqulodda va muxtor elchisi Kan Chje Kvon bilan uchrashdi.

Uchrashuvda oliy va boshqa darajalardagi Oʻzbekiston-Janubiy Koreya muzokaralari doirasida erishilgan kelishuvlarni hayotga joriy qilish boʻyicha amalga oshirilayotgan ishlar muhokama qilindi hamda joriy yildagi qoʻshma tadbirlar jadvali boʻyicha takliflar koʻrib chiqildi.

Tomonlarning siyosiy, savdo-iqtisodiy, investitsiya, turizm, madaniy-gumanitar va boshqa sohalarda oʻzaro manfaatli hamkorlikni yana-da faollashtirish hamda munosabatlarning shartnoma-huquqiy bazasini mustahkamlashga boʻlgan qiziqishi tasdiqlandi.

Suhbatda chogʻida, shuningdek, mintaqaviy kun tartibining ayrim masalalari boʻyicha ham fikr almashildi.