Аввал хабар берилганидек, Ўзбекистон Республикаси Конституцияси қабул қилинган кун муносабати билан Олий Мажлис Қонунчилик палатасида «Очиқ эшиклар куни» ўтказилмоқда. «Очиқ эшиклар куни» доирасида Конституциянинг яратилиши тарихига бағишланган архив ҳужжатлари кўргазмаси ташкил этилди.

Алоҳида эътироф этиш жоизки, Конституциямиз тарихига доир архив ҳужжатларига асосланган бундай йирик кўргазма биринчи марта ташкил этилди. Кўргазма  икки тарихий даврга бўлинган. Яъни, биринчи бўлимдан 1992 йилда Конституциянинг қабул қилиниши ўз ифодасини топган бўлса, иккинчи бўлимдан янги таҳрирдаги Конституциямизнинг яратилиш жараёнлари акс этган. Кўргазмада жами  100 га яқин экспонат, яъни  Конституциянинг яратилиш жараёнларига оид ҳужжатлар, фото ва видеоматериаллар намойишга қўйилган.

Тарихан давом этиб келаётган демократик қадамлар, халқ вакилларининг қонун ижодкорлик фаолияти ва унда фуқароларнинг иштироки қандай бўлганлиги тарихий ҳужжатлар мисолида ташриф буюрувчиларга кўрсатилмоқда.

«Очиқ эшиклар куни» доирасида парламент қу  йи палатасига ташриф буюраётган меҳмонлар, турли соҳа вакиллари, талабалар ва ўқувчи ёшлар архив ҳужжатлари кўргазмаси билан яқиндан танишиш асносида ўз билим ва кўникмаларини ошириш имконига эга бўлишмоқда.

<iframe width="650" height="420" src="https://www.youtube.com/embed/4q130uBDM7g" title="Konstitutsiyaning yaratilishi tarixiga bagʻishlangan koʻrgazma" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳтарама Комилова, ЎзА