Мамлакатимизда кейинги йилларда барча соҳалар қатори иқтисодий жабҳада ҳам изчил ислоҳотлар амалга оширилди. Бу саъй-ҳаракатлар натижасида иқтисодиёт эркинлашиб, хусусий мулк эгалари кўпайиб бормоқда.

Хусусан, валютанинг эркин айланмаси жорий қилингани, банк тизими ва пул муомаласининг эркинлаштирилгани, солиқ юки кескин камайтирилиб, хусусий бизнеснинг қонун ҳимоясида бўлишидек ишончли тизим яратилгани бозор иқтисодиётининг ривожига кенг йўл очиб берди.

Ўзбекистон ҳудудида иқтисодий макон бирлиги ҳамда бозор иқтисодиётининг асосий тамойилларидан бири бўлган эркин рақобат асосида товарлар, хизматлар, меҳнат ресурслари ва молиявий маблағларнинг ҳеч қандай тўсиқларсиз ҳаракатланиши янгиланаётган Конституцияда кафолатлаб қўйилаётгани шубҳасиз, мамлакат иқтисодий салоҳияти ва сармоявий жозибадорлигини янада оширади.

Конституцияда ўз аксини топган нормалар шу вақтгача тадбиркорларни қийнаб келаётган талай муаммолар ҳал қилинишига, яратилаётган янги имкониятлар орқали мамлакатимизда тадбиркорликни янги босқичга олиб чиқилишига хизмат қилмоқда. 

Юртимиздаги иқтисодий ислоҳотлар, тадбиркорлар учун яратилган имкониятлар ва уларнинг ҳуқуқий кафолатлари тўғрисида Жамоат хавфсизлиги университети профессори Бобур Валиев батафсил маълумот беради.

Батафсил

<iframe width="640" height="420" src="https://www.youtube.com/embed/KAlhCN1Xtzk" title="Конституция — иқтисодий тараққиётимиз кафолати " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА