Екі салмақ дәрежесінде UFC-дің бұрынғы чемпионы ирландиялық Конор Макгрегорды Францияның Корсика аралында полиция қамауға алды.

«Daily Mail» мәліметінше ирландиялық аралас жекпе-жек шебері барлардың бірінде жыныстық шабуыл жасады деген күдікпен ұсталған. Ал спортшының өзі бұл айыптауды жоққа шығаруда.

МакГрегордың жеке өкілі TMZ-ге берген сұхбатында споршыға тағылған барлық айыптарды үзілді-кесілді жоққа шығарғанын және құқық қорғау органдарының барлық сұрақтарына жауап бергеннен кейін босатылғанын айтты.

Қазіргі кезде UFC-дегі мансабын аяқтаған 32 жасты аралас жекпе-жек шебері осы спорт тарихында бірден екі салмақ дәрежесінде чемпион болған алғашқы спортшы.