Конго Республикасы өз аумағында маймыл індетінің өршуін жариялады. Бұл туралы елдің денсаулық сақтау министрі Гилберт Мококи хабарлады.

«Конго Республикасында маймыл індеті басталды. Елорда Браззавильді қоса алғанда, бес аймақта инфекцияның 19 жағдайы расталды», - деген министр.

Қазіргі таңда елде бұл дерттен қайтыс болғандар жоқ екені айтылған. 

Бұған дейін канадалық зерттеушілер Конго Демократиялық Республикасының шығысында «пандемиялық әлеуеті» бар маймыл шешегінің қауіпті жаңа штаммын анықтаған болатын.

Вирус кедей, халқы тығыз орналасқан алтын өндіретін Камитуга қаласында табылған. Зерттеушілер вирусты «құрамында ұстау» және жаһандық індеттің алдын алу үшін «шұғыл әрекет етуге» шақырған.