Конго Демократиялық Республикасының оңтүстік-батысындағы Кванго провинциясында 143 адам белгісіз аурудан қайтыс болды.

Кванго провинциясы губернаторының орынбасары Реми Саки мен жергілікті Денсаулық сақтау министрі Апполинер Юмбаның айтуынша, ауруға шалдыққандарда тұмау белгілері, оның ішінде дене температурасының көтерілуі мен қатты бас ауруы байқалуда.

Reuters агенттігінің хабарлауынша, ауру түрін анықтау үшін аймаққа сынамалар алу мақсатында дәрігерлер бригадасы жіберілген. Сонымен қатар, ауру жағдайларының көбеюі жалғасып жатқаны айтылған.

Дүниежүзілік денсаулық сақтау ұйымының мәліметі бойынша, БҰҰ бұл жағдайға алаңдаушылық білдірген және ел үкіметімен бірге ауруды зерттеу жұмыстарын жүргізуде.

Жергілікті эпидемиологтардың мәліметіне қарағанда, аурудан негізінен әйелдер мен балалар зардап шегіп отыр.