Конго демократик республикасида юк машинаси дарёга тушиб кетиши оқибатида 50 киши ҳалок бўлди
Бу ҳақда маҳаллий Actualite нашри ҳудудий ҳукумат манбасига таяниб хабар бермоқда.
Бошқарувни йўқотган юк машинаси Юқори Катанга провинциясида Калуме-Нгонго дарёсига қулаб тушган.
"Машинада 50 дан зиёд йўловчи бўлган, улардан фақат икки киши омон қолган", - деб маълум қилди провинция ҳукумати вакили Жозеф Каюмба.
Айни пайтда воқеа жойида қидирув-қутқарув ишлари олиб борилмоқда, ҳалок бўлганлар сони кўп бўлиши мумкин, дейилади хабарда.