Конго Демократик Республикасида жиноятчилик кучайишига қарши норозилик намойиши натижасида ҳалок бўлганлар сони 4 нафарга етган, камида 6 киши эса жароҳат олган, – дея хабар бермоқда маҳаллий ОAВ.

Намойиш душанба куни шарқдаги Гома шаҳрида бошланган эди.

Ҳалок бўлганлар орасида Конго миллий полицияси комиссари ҳам бор деб, аввалроқ, журналистларга Шимолий Киву провинсияси ҳарбий губернатори матбуот котиби Силвен Экенге маълум қилган эди.

Намойишчиларни ҳуқуқ-тартибот ходимларига ҳужум қилганликда қоралаган Экенге шахси ҳали аниқланмаган яна бир жасад борлигини айтди.

– Қандай қилиб ҳуқуқни муҳофаза қилиш органи ходимини ўлдириш мумкин? Ахир ўша полициядан хавфсизликни таъминлашни сўрайсиз-ку, – дейди Экенге.

Намойишчилар президент Феликс Цҳисекеди томонидан май ойида Шимолий Киву ва қўшни Итурида зўравонликларнинг кучайишини тўхтатиш мақсадида эълон қилинган фавқулодда ҳолатдан норози эканликларини билдирган.

Улар, шунингдек, Руанда полицияси ва Конго Демократик Республикаси ўртасида ўтган ҳафта Кигали шаҳрида трансчегаравий жиноятга қарши курашда ҳамкорликни ривожлантириш учун ўзаро англашув меморандуми имзоланганидан сўнг, Руанда полициясининг Гома шаҳрига бостириб киришига қарши эканлигини маълум қилган.

Намойишчилар Шимолий Киву провинсияси маркази Гомага олиб борувчи асосий йўлни тўсиб, шиналарни ёқиб, йўл бўйлаб баррикадалар ўрнатди.

Полиция оломонни тарқатиш учун ҳақиқий ўқ билан ўқ узди, кўздан ёш оқизувчи газ ишлатди, банк, дўкон, марказий бозор ва мактаблар ёпилди.

Хабарга кўра, намойишчилар Конго миллий полицияси намойишчилардан учта қуролни мусодара қилган. Полициянинг хабар қилишича, Гоманинг айрим қисмларини қамраб олган намойиш пайтида ўнлаб намойишчилар ҳибсга олинган.

Улуғбек Маҳмирзаев