Голландиялик муҳандис-ихтирочи Лодевейк Оттенс 94 ёшида вафот этди, деб хабар беради маҳаллий Dutch News портали.

Оттенс 1952 йилда муҳандислик дипломини олиб Philips компаниясида фаолият бошлаган. Орадан саккиз йил ўтиб у компания маҳсулотларини яратиш бўлимига бошчилик қилди. Бир йил мобайнида у ва унинг жамоаси илк портатив магнитофонини яратди. Яна икки йилдан сўнг Оттенс компакт-дисклар учун тасма ихтиро қилди. Ихтирочининг ҳисоб-китоби бўйича, кассетанинг ўзи чўнтакка сиғадиган даражада кичкина бўлиши керак эди. Кейинчалик Оттенс компакт-дискни ихтиро қилди.

Ихтирочи 1986 йил нафақага чиққан. Порталнинг ёзишича, Оттенс жуда камтар инсон бўлган. У ҳар доим ушбу икки ихтирони жамоанинг биргаликда қилган саъй-ҳаракати натижасидир, деб таъкидлаган.