АОКАда Уй-жой коммунал хизмат кўрсатиш вазири ва мутасаддилари иштирокида ўтказилган матбуот анжуманида маълум қилинишича, кўп квартирали уй-жойлар тўғрисидаги маълумотлар базаси электрон биллинг тизимига киритиб борилмоқда.

Ҳозирда абонентлар сони 1,3 млн. нафарни ташкил қилмоқда. Аҳолига қулайлик яратиш мақсадида «Менинг уйим» мобил иловаси ҳам жорий этилган.

Республика бўйича жами 39 265 та кўп квартирали уй мавжуд бўлиб, шундан 22 мингдан ортиғи 3 753 та ширкат ва 324 та бошқарувчи ташкилот томонидан бошқарилади.

Соҳани янада такомиллаштириш юзасидан муҳим таклифлар ишлаб чиқилмоқда. 

ЎзА