Кўмир анъанавий энергия манбаи сифатида асрлар давомида инсон ҳаётида муҳим ўрин эгаллаб келган. Лекин замонавий технологиялар орқали уни янада самарали ва экологик тоза қувват манбаига айлантириш мумкин.

“Inner Mongolia Datang International Keshiketing Coal Gas Co., Ltd.” (Ички Мўғулистон Датанг Халқаро Кўкшектен Кўмир-Газ МЧЖ) корхонаси 2009 йилда ташкил этилган бўлиб, йиллик 4 миллиард куб метр синтетик табиий газ (SNG) ишлаб чиқариш қувватига эга. У мустақил йирик завод сифатида фаолият юритади ва алоҳида филиалларга эга эмас.

“China Datang Corporation” томонидан хорижий мутахассислар учун ташкил этилган тажриба алмашиш дастури доирасида иштирокчилар “Inner Mongolia Datang International Keshiketing Coal Gas Co., Ltd.” (Ички Мўғулистон Датанг Халқаро Кўкшектен Кўмир-Газ МЧЖ) корхонасига ташриф буюрди. Аввал хабар берганимиздек, дастурда қатор ривожланган мамлакатлардан мутахассислар иштирок этмоқда ва улар орасида ўзбекистонлик соҳа вакиллари ҳам бор.

<iframe width="650" height="420" src="https://www.youtube.com/embed/wSCRdnTWBHs" title="Ko‘mirdan gaz ishlab chiqarish qanday jarayon?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Тошқораева, ЎзА (Хитой)