Колумбияда «Ливерпуль» клубы мен Колумбия құрамасының шабуылшысы Луис Диастың әкесін босатуды талап еткен шеру өтті.

Бұған дейін футболшының ата-анасы ұрланғаны хабарланған еді. Футболшының анасы құтқарылды, бірақ әкесі әлі қылмыскерлердің қолында.

Semana порталының дерегінше, «Ливерпульдің» вингері Луис Диас жеке қауіпсіздігі үшін әкесін іздеуге қатысу үшін Колумбияға бармауды шешкен.

Ұрылар Венесуэла азаматтары болуы мүмкін, ал Луис Мануэль Диас сол аймаққа жеткізілген деген болжам бар. Ақпарат үшін, 200 миллион песо уәде етілген.

ВВС хабарлауынша, сейсенбі күні осы жағдайға байланысты Колумбияның Барранкас қаласының тұрғындары футболшының әкесін босатуды талап етіп, шеру өткізген. Луис Диастың әкесінің портреттері бейнеленген ақ жейделерді киіп, қолдарына шам ұстап: «Бостандық!» деп ұрандаған акцияға қатысқандар.

Хабарламада айтылуынша, футболшының әкесі Барранкаста танымал тұлған – ол жас футболшыларды жаттықтырады.