Колумбияда кўмир конида юз берган қатор портлашлар 11 кишининг ҳаётига зомин бўлди
Колумбиянинг марказидаги Сутатаус муниципалитетида жойлашган шахтада юз берган серияли портлашлар натижасида ҳалок бўлган кончилар сони 11 нафарга етди, деб ёзмоқда ТАСС агентлиги.
El Tiempo газетасининг ёзишича, портлаш бошланганда шахта ичида 30 дан зиёд одам бўлган.
Кундинамарка департаменти губернатори Николас Гарсиа Бустоснинг ижтимоий тармоқда ёзишича, маҳаллий вақт билан соат 05:20 да кон ичида 17 киши қамалиб қолган. Айни дамда ҳалокат бўлган жойда қутқарувчилар иш олиб бормоқда, дейилади хабарда.
Сутатаус кўмир конларининг бирида бошланган портлаш кейинчалик қўшни тўртта шахтада ҳам такрорланган.